1. biwêjeke mecazÎ ye.. ji vegotina narÎnî û hesasiyeta qelbê mirovan tê bikaranîn, helbet ji bo qelbên rast û durist ne ji bo qelbên qelp.. di strana bi navê ez xeyîdî me yê de jî tê behskirin.. wek; ''şûşa dilê'm şikestiye ez xeyîdî me'' herwiha gotineka pêşiyan jÎ heye ku dîsa tê de behsa şûşeya dilan tê kirin.. wek: ''şûşeya dil ku şikest nacebire''..

2. gotina ku strana mihemed arif cizîrî, eman koçerê de jî wisa derbas dibe;



"Min Dît li afirê gamêşa

Te Dî li afirê gamêşa

Tilya min girt û kêşa

Gava çavê min lê ket

Şûşa dilê min êşa

Eman eman, eman eman, eman eman koçerê"





vîdyoyê veke

3. tişta ku dema dişikê, êdî bi hêsanî nahê selihkirin.

4. Karakterek di "hinara dawiya dinyayê" ya bextiyar elî de heye ku bi navê "mihemedê dilşûşe" hatiye bi nav kirin. Û di helbesta seyyidhan kömürcü ya bi navê "kara" de beriya ku dest bi helbestê bike nivîsiye "şûşa dilê min şikest" û wateya vê hevokê eşkere kiriye "berteka ku dêya min li hember mirinê dide ye". Bi rastî xwiya ye bi awayek qewî di nav jiyan û wêjeya me de "şûşeya dil" cihek ji xwe re çêkiriye. Dema meriv ser hûr dibe, ne ku dixwazim bi paye û gotinên betal zimanê kurdî derxim esmana, wellehî ev biwêja ango hevoka metaforek pir kûr û watedar û girîng e!

5. (bnr: şûşa dilî şikestî cebar nabe lêê)

6. tenik e, zû dişikê mixabin. divê meriv hay jê hebe û nede kesên beredayî. dema dişikê, gelek zehmet dibe jinûve berhevkirina wê. û êşeke bêhempa têxe dil de ku meriv hemû daxwaz û xîreta heyî ya bo jiyînê winda dike û ti tahm namîne.